Алга таба да бергә булыйк

1 апрельдән быелның икенче яртыеллыгына вакытлы матбугатка язылу башланды.

Тормыш кыйммәтләнә бара. Шуның нәтиҗәсе буларак, газета-журналларга язылу бәяләре дә арта төште. Әмма көндәлек хәбәр һәм яңалыклар гына түгел, күп төрле мәгълүмат, рухи азык чыганагы да булган газета-журналлардан башка яшәүне күз алдына да китермәүче райондашларыбыз бихисап. Бу юлы да алар үзләренең күңелләренә хуш килгән матбугат басмаларына язылу җаен табарлар дип ышанабыз. Һәм киләсе яртыеллыкта да район газетасыннан аерылмассыз дип өметләнәбез, хөрмәтле укучыларыбыз! Алты айга "Әлки хәбәрләре"нә язылу бәясе - 597 сум, ә оешма-предприятиеләр өчен 682 сум 92 тиен. Газетага сез почта бүлекләрендә һәм почтальоннарда языла аласыз.