Әлки яшь экологлары республика съездында район данын лаеклы яклады

Быел масштаблы форум республиканың 31 командасын җыйды.

Безнең район данын Чуаш-Борнае урта мәктәбе командасы яклады. Остазы Фанузә  Гатинаның җитәкчелегендә балалар бай программада катнаштылар:

• «Яшь урманчы» һөнәри конкурсында белемнәрен сынадылар;

• дебатлар конкурсында сөйләм осталыгында көч сынаштылар;

• спорт ярышларында осталык күрсәттеләр;

• күргәзмәдә иҗади проектларын тәкъдим иттеләр.

Укучылар лаеклы нәтиҗәләр күрсәттеләр һәм Әлки җире бай уңышлар гына түгел, урманның киләчәге өчен кайгыртучы талантлы, кызыксынучан балаларга да бай икәнен исбатладылар.