Әлки районы халкы кыска гына вакыт эчендә 300 мең сум акча тупланган

 Район мөфтияте әлеге чакыруга бик теләп кушылды.

Авылларда эшләп килүче мәчетләрдә аша хәрбиләргә ярдәм йөзеннән акча җыюлар оештырылган.  Бу эшкә  бер ген әавыл да диярлек читтә калмады.

Район имам-хатыйбы  Ирек хәзрәт Сәлахиевның  безгә хәбәр итүенә караганда авылларда яшәүчеләр тарафыннан кыска гына вакыт эчендә  300 мең сум акча тупланган.

Шушы көннәрдә Ирек хәзрәт Сәлахиев  ярдәм акчасын Казандагы “Зәкият” фондына илтеп тапшырган.

Әлеге фонд җәмгыятендәге ярдәм акчаларына мобилизацияләнгән солдатларга иң беренче чиратта термокием, җылы оекбашлар һәм бияләйләр, аптечкалар, армия өче хәләл коры ризыклар сатып алып өләшергә планлаштыра.

Ирек хәзрәт Сәлахиев әлеге ярдәмгә кушылган  райондашларга  олы рәхмәтләрен җиткерә:

- Аллаһы Тәгалә сзгә һәм гаиләләрегезгә, үз өлешен керткән һәркемгә саулык-сәламәтлек, хәерле, бәрәкәтле озын гомерләр бирсен! Йортларыгызга иминлек һәм тынычлык иңсен! Күңелегездә булган барлык изге ниятләрегезгә, максатларыгызга ирешергә, тапкан малларыгызның бәрәкәтен, үстергән балаларыгызның игелеген күрергә, бу дөньяда һәм ахирәт тормышында да бәхетле булырга насыйп итсен! Изге ниятләрегез һәм эшләрегез өчен Аллаһы Тәгалә сезне һәм якыннарыгызны үз рәхмәте белән бүләкләнсен! – диде.