Әлки районында гуманитар ярдәм җыела башлады

 
Махсус хәрби операциягә безнең ир-егетләр мобилизацияләнүгә бәйле рәвештә, республикада “Ярдәм янәшә” дип исемләнгән хәйриячелек акциясе оештырылды. Шуңа бәйле рәвештә районыбызда да гуманитар ярдәм җыела башлады. Әйберләр үзәк китапханәдә туплана. Авыл җирлекләрендә дә махсус җыю урыннары билгеләнән. Гуманитар ярдәмне, хәлгә кереп тиз арада эшләү сорала. 
Гуманитар ярдәмгә балык консервалары, ит тушёнкалары, печенье, вафли, конфетлар, һәм тиз әзерләнүче ботка һәм ашлар, теш пастылары, сабын, антисептик гигиена салфеткалары, җылы оекбашлар, майкалар, һәр мобили-зацияләнүче өчен кечкенә җылы келәмчекләр, бинтлар, водород перекисе, йод, авыртуны басучы “Темпалгин, “Пенталгин”, “Нурофен”, “Кетанов” дарулары керә.
Хокук белгечләренә киңәш белән, рухи ярдәм өчен кайнар элемтәгә шалтыратырга мөмкин, йорт хайваннарын карашу буенча,  мобили-зацияләнгән кешеләргә волонтерлардан адреслы ярдәм дә оештырыла.
Булышуны сорап һәм ярдәм итәргә мөрәҗәгатьләр өчен 88003500216 телефоны буенча кайнар элемтә эшли. Сораулар белән көн саен 9.00 дән 18.00гә кадәр шалтыратырга мөмкин.