Әлки районында яшәүче бердәнбер сугыш ветераны Хазыйм Фәхретдинов яшәгән йорт ишегалдына кадәр асфальт җәелде

"Алексеевскдорстрой" җәмгыятенең район бүлеге эшчеләре вак ташны 24 апрельдә салган. Ә шимбә көнне иртәнге сәгать 7 дә үк асфальт җәю эше башланып, төшкә таба төгәлләнеп тә килә иде.

- Тәрәзәдән карыйм да, үземне шәһәрдәге кебек хис итәм. Машиналарга йортка килергә дә, үземә инвалид арбасы белән урамга чыгарга да бик уңайлы булачак. Бу эшкә катнашы булган һәркемгә дә рәхмәт, - ди ветеран.