Әлки районында Татарстан Республикасы Дәүләт Советы депутаты Фоат Вәлиев исеменнән ифтар мәҗлесе узды

 Авыз ачу мәҗлесендә район мөхтәсибе Ирек хәзрәт Сәлахиев вәгазьләр сөйләде, Коръән аятьләре укыды. 

Ифтарда район башлыгы Александр Никошин катнашты. Ул, тоткан уразаларның кабул булуын теләп, кунакларны татар телендә сәламләде. 

 Фоат Вәлиев чарада катнашучыларга рәхмәт белдерде, илебезгә тизрәк тынычлык килүен теләде. Бу теләкләргә Иске Камка авыл җирлеге башлыгы Фәргать Әкъбәров та кушылды.

Аннан мул табын артында кунаклар сыйланып, аралашып утырдылар.