Базарлы Матакның “Ромашка” балалар бакчасы -иң яхшы билингваль бакча

Билингваль (ике телдә) белем бирү буенча республикада иң яхшы – грантка лаеклы мәктәпкәчә белем бирү оешмалары исәбендә Базарлы Матакның “Ромашка” балалар бакчасы да лаеклы урынын алды. 

Түбән Кама шәһәрендә бүләкләү тантанасы узды һәм анда балалар бакчасы мөдире Алсу Гайнетдиновага тантаналы рәвештә Җиңүче дипломы, шулай ук 500 мең сумга сертификат тапшырдылар. 

Әлеге җиңүгә юл бик катлаулы була һәм зур җаваплылык тотып эшләргә туры килә, аңа ирешү өчен балалар бакчасының бар коллективы да тырыша. 
Без дә балалар тәрбияләүче бу хезмәткәрләргә иминлек һәм яңадан-яңа уңышларга ирешүләрен теләп калабыз.