Базарлы Матактагы “Теремкәй” балалар бакчасы тәрбиячеләренә рәхмәтебезне җиткерәбез

Алар бакчага йөрүче балаларыбыз белән Ватанны яклаучылар көне һәм 8 Март бәйрәме уңаеннан бик матур кичәләр оештырдылар. Шатлык, күтәренкелек тулы әлеге бәйрәм кичәләре җылы, рәхәт атмосферада узды. Балалар безгә үз куллары белән эшләнгән бүләкләрне тапшырдылар. Нәниләребезнең занятиеләрдә ничек шөгыльләнүләре турындагы фоторәсемнәрне алу да бик күңелле булды. Бүлмәләр матур итеп бизәлгән, иркен, җылы, чиста. Әтиләр һәм әниләрнең фотосурәтләре дә урнаштырылган иде. Яраткан тәрбиячеләребезгә сәламәтлек, эшләрендә уңышлар телибез.