Безнең малайлар Нурлат һәм Аксубай районы фут­болчыларын җиңделәр

Безнең малайлар Нурлат һәм Аксубай районы фут­болчыларын җиңделәр, әмма Чистай шәһәренең “Олимп” командасына 4:1 исәбе белән оттырдылар һәм чирек финалга чыктылар. Аннары Болгардан килгән “Волна” командасын җиңделәр. Уен бары­шында берара 0:2 исәбе белән оттырып, яшь фут­болчыларыбыз җиңүгә омтылышларын, нык холы­клы икәнлекләрен күрсәттеләр дә, башта исәпне тигезләделәр, аннары пенальти буенча 3:2 исәбе белән уенны тәмамладылар. Җиңү китергән тупны капкага Эмиль Сибагатов кертте.

Ярымфиналда исә безнең “Актай” командасы “Олимп”ка 1:2 исәбе белән оттырды. Өченче урын хакына очрашу аның җиңүчесенә Татарстан ку­богы финалында катнашу мөмкинлеге бирә иде (финал язгы каникулларда үткәреләчәк). Безнең команда составында уйнаган Мәлик Шәфигуллин (капкачы) һәм Таһир Шакиров җиңү өчен бары­сын да эшләделәр. Таһир әле зона турнирының иң яхшы хөҗүмчесе итеп тә танылды, чөнки ул уен­нарда капкага җиде туп кертте. Сакчылар Адель Фәхретдинов һәм Марк Петухов та ышанычлы уй­надылар. Футбол кырында Таһир Гафиятуллин, Ти­мур Сабиров, Данил Толмачев, Булат Нургазизов һәм Арслан Нигъмәтуллин үзләрен бары уңай як­тан гына күрсәттеләр. Матчның соңгы минутларын­да Шамил Кәримов чын спортчы холкына ия булу­ын раслады. Ул кырда яхшы уенчы гына түгел, бик әйбәт капка сакчысы да икән бит. Соңгы минутлар­да Мәлик травма алды һәм аның урынына капка са­кларга Шамил басты. Ул капканы һичшиксез керергә тиешле биш туптан саклап калды, моның белән ко­мандага финалга үтәргә ярдәм итте.

Яшь футболчыларның тренеры Рифкать Сәгъдиев. Остазлары малайлар белән аларның балалар бак­