Иске Матак халкы солдат егетләргә булышлык күрсәтә
Иске Матак мәдәният йортында махсус хәрби операция башланып, берничә ай үтәргә өлгермәде, авыл хатын-кызлары җыелып, яшеренү челтәрләре үрә башладылар.
Барысы 50 дән артык зур-зур челтәр ясап, сугыш кырларына озаттылар.
Иске Матакта бу эштә бик актив булган апалар турында мәдәният йорты директоры Сергей Калмыков сөйләде:
– Лаеклы ялдагы ханымнар – Надежда Лычникова (аның улы Максим Валерьевич фронтта һәлак булды), Вера Искакова, Мария Лычникова, Людмила Гуляева, Любовь Саранкина, Людмила Калмыкова, Татьяна Астафьева, Ирина Бровкова, Елена Яшина, Валентина Павлова – һәр атна диярлек мәдәният йортына яшеренү челтәрләре үрәргә киләләр. Без аның чималларын үз акчабызга һәм авыл халкы керткән ярдәмгә сатып алабыз. Якташларыбыз, Балакиревлар гаиләсе, Түбән Камадан тукымалар еш алып кайталар, – диде җитәкче.
Иске Матакта мәктәп балалары да җәйге каникулларда олыларга кушылып, булышлык күрсәткәннәр.
Мәдәният йортында солдатларга тәмле-томле ашамлыклар, консервланган яшелчәләр, кайнатмалар, окоп шәмнәре һәм башка кирәк-яраклар тупланып, алгы сызыкка озатыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев