Корбан гаетенә нинди сарык (тәкә) сайларга

Дүрт төрле хайванны корбан итеп чалырга ярамый: авыруы күзгә күренеп торган чирле хайван, аның аксаклыгы күзгә күренеп торган аксак хайван, бер күзе сукыр хайван һәм ачлыктан хәлсезләнгән, җанчыгарлыксыз хайван.

 Корбан өчен яраклы сарык (тәкә):

• Яше: Җенесенә карамастан, кимендә бер яшьлек (12 айлык) булырга тиеш. Кайбер хәлләрдә (зур, көчле булса) алты айлык сарык та ярый, ләкин бер яшьлектән кечерәкне сайламау хәерле.

• Сәламәтлеге: Күзләре күрерлек, аяклары сау-сәламәт, тешләре булырга тиеш. Гомуми халәте – актив һәм таза.

 Корбан өчен ярамый торган сарык (тәкә):

Түбәндәге җитди кимчелекләр булган хайван чалынмый :

• Бер яки ике күзе дә сукыр, яки күзенең аккае күренеп торган.

•  Үзе басып йөри алмый торган дәрәҗәдә аксау.

• Авыруы күзгә ташланган яки ябык хайван.

• Колак яки койрык белән проблемалар: Колак (яки койрык) төбенә кадәр киселгән (яртысыннан күбрәге юк), яки тумыштан колаксыз булу.

• Мөгез сыну: Мөгезенең төбенә кадәр сыну.

• Теш проблемалары: Тешләренең күпчелеге төшкән.

Мөһим искәрмәләр:

• Тамга салынган  хайван (мәсәлән, колагы киселгән) чалынырга ярый. Колагы киселгән, ләкин аның күпчелек өлеше (яртысыннан артыгы) сакланган булса, корбан була ала .

• Карт хайван – әгәр хайван бик карт булса, андый хайванны чалу да ярамый .