Коточкыч һәлакәт: ире үлгән, хатыны вакытсыз бала тапкан

Казан ягыннан килүче "Лада Калина" автомобиле юеш асфальтта куркынычсыз тизлекне арттырып җибәрә һәм каршы як хәрәкәт полосасына чыгып, Оренбург ягыннан килүче "Рено" йөк машинасына бәрелә. "Лада-Калина" белән 37 яшьлек ир-ат - Казан кешесе идарә итүе әйтелә.

Һәлакәт аркасында "Лада Калина" йөртүчесе урында ук вафат була. Аның салондагы 2 һәм 5 яшьлек балалары, хатыны тән җәрәхәте ала. Алар Чистай хастаханәсенә озатыла. Йөртүченең хатыны йөклелекнең 38 нче атнасында була. Тиз арада аның баласын ярып алырга туры килә.

Салондагылар саклык каешын эләктергән, балалар махсус креслога утыртылган була.

http://intertat.ru/tt/yanalyklar/item/53855-kotochkyich-%D2%BB%D3%99lak%D3%99t-ire-%D2%AFlg%D3%99n-hatyinyi-vakyitsyiz-bala-tapkan.html