Әлки районы: боксларга урнаштырылган вакцинаны тиешле җиргә илтеп бирәләр
Ковид белән авыручылар саны арткан бу чорда урындагы медицина хезмәткәрләренә вазыйфалары буенча йөкләмә гаять үсте.
Фельдшерлар һәм участок хастаханәләре, амбулаторияләр табиблары, көндәлек эшләреннән кала прививка ясыйлар, үзләре медицина учреждениесенә килә алмаган өлкәннәрнең өйләренә баралар. Шулай итеп район үзәгенә дарулар, вакцина алырга килергә вакытлары бөтенләй калмый.
Район башлыгы Александр Никошин тәкъдиме белән бу мәсьәләдә медикларга авыл җирлекләре башлыклары булыша.
Базарлы Матак үзәк хастаханәсе баш табибы Светлана Одушкина бу юнәлештә бигрәк тә Борискино, Салман, Иске Хурада җирлекләре башлыкларының актив эшләвен хәбәр итә. Алар махсус боксларга урнаштырылган вакцинаны тиешле җиргә илтеп бирәләр. Моның белән вакцина китерүдә тоткарлыкларны булдырмауга ирешелә.
Следите за самым важным и интересным в Telegram-каналеТатмедиа
Нет комментариев