Әлки районы Карамалы авылында мәчетне ремонтлый башладылар

Инде аның тышкы ягы төзекләндерүгә мохтаҗ. Үзара киңәшләшкәч, карамалылылар ярдәм сорап якташларына мөрәҗәгать итәргә булалар. Әлегә исә булдыра алган эшләрне башкара торалар.

Авыл мулласы Илнур хәзрәт Гаязов әйтүенчә, өмә ясап, иске, тузган янкорманы сүткәннәр. Бу эштә авылның барлык ир-атлары диярлек катнашкан. Ә Раил Мортазин һәм Илгизәр Зәйнетдинов, шәхси тракторларында килеп, черегән такталарны арбаларына төягәннәр.

Яңа капка металл профильләрдән эшләнәчәк, анда профнастил беркетеләчәк. Авыл халкы бинаны тышкы яктан җылытуны, төзекләндерү буенча башка эшләр башкаруны да күздә тота.