Әлки районы: Каргада каз өмәләре башланган

Йортларында йөзәр баш каз, үрдәк бәбкәсе үстергән Гөлчирә Хәсәншина, Айрат Гайфуллин, Ирек Сәләхиев, Илгизәр Фәттахов гаиләләре тирә-күршеләрен, туганнарын җыеп өмәләр үткәргәннәр дә инде.

Йөз баш Карга халкы өчен күп түгел; Илнур Миндубаев, Мәдинә Хөсәенова, Газинур Фәттахов һәм башка кайбер хуҗалар йортларынәда сугымлык кош-кортның башы 200 гә җитә. Бу гаиләләр барысы да диярлек бәбкә-чебеш сатып алып үстерүчеләргә тиешле субсидияләрне дә алганнар. Башкалар да калышмый – йорт саен диярлек 30-50 баш каз өлгергән инде.

Карга халкы заманадан калышмый: авылның воцаптагы чатында  тере казларны 1300 сумнан сату хакындагы белдерүләр дә бар инде.