​​​​​​​Әлки районы Әхмәт авылында шәхси хуҗалыклардагы өч сыер үлгән

Ветеринария белгечләре малларның агуланып үлүен ачыклый. Сыерлар Әхмәт отряды машина-трактор паркы мәйданына кереп, агу сиптергечтән аккан суны эчкәннәр икән.

Өч гаиләнең бура кадәр сыерлары егылып үлгәнгә кем гаепле соң? Машина-трактор паркы территориясенә сыерлар керергә тиеш түгел иде, шуңа бу югалтуда отряд белгечләре һәм җитәкчеләрен гаепләп булмый. Чебен-кигәвен изалаганга маллар көндез туклана алмагач, халык сыерларын кичен булса да бераз яшеллектә йөртергә тырыша. Әмма бу вакыйга терлек-туарны иректә йөртергә, караучысыз калдырырга ярамавын тагын бер кат искәртә.