Әлки районы: Ралина Әхмәтова бер турнирда өч медаль яулады

Әлки бадминтончылары безне янә җиңүләре белән сөендерәләр. "Татарстанның бадминтон өметләре" ярышларының беренче этабында Базарлы Матак урта мәктәбе укучысы Ралина Әхмәтова "2009-2010 елларда туган" яшь категориясендә парлы һәм катнаш разрядларда алтын медальлләр яулады, ялгыз разрядта өченче урынны алды. Нәби Дәүли исемендәге гимназия укучысы Зилә Зыятдинова парлы разрядта "2011 елгы һәм кечерәк" категориясендә икенче урынга лаек булды.

Яшь спортчыларны һәм аларның тренеры Максим Муштаковны республика ярышларында уңышлы чыгыш ясаулары белән котлыйбыз!