Әлки районы үзәгендә 7 мартта кыш озату бәйрәме һәм ярминкә була

Ярминкә халыкка кирәкле товарларга бай булачак. Авыл халкы һәм хуҗалыклар анда ит, сөт ризыклары, яшелчәләр, печән, бөртек белән сәүдә итәчәк. Сатуга шулай ук утын, агач материаллары чыгарылыр. Бәйрәмгә килүчеләргә кайнар чәй, коймак, шашлык ише сыйлар тәкъдим ителер. Кыш озату бәйрәме төрле кызыклы уеннар, бәйгеләр, мәдәният хезмәткәрләре һәм авыл үзешчәннәренең җыр-биюле концерт программасы белән ямьләнер.

Бәйрәм һәм ярмикә сәгать 10 да башлана. Рәхим итегез!