Әлки районында 1026 кешенең августта пенсияләре арта

2018 елда эшләгән пенсионерларның акчалары артачак. Хезмәт хакына, башка факторларга бәйле рәвештә, һәр кешенең пенсиясенә төрлечә өстәлә. Ләкин өч пенсия баллы суммасыннан да күбрәк булмаячак. Быел бер пенсия баллы 87,24 сум тәшкил итә. Боларны безгә Пенсия фондының район идарәсе җитәкчесе Рәис Галләмов хәбәр итте. Аның әйтүенчә, районда 1026 кешенең августта пенсияләре артып киләчәк. Эшләүче пенсионерларның акчасына бездә уртача 200,16 сум өстәлә.