Әлки районында булган  авариядә ике кеше зыян күргән

Карамалы авылы ягыннан Алексеевск районының Биләр авылына таба баручы Тойота Королла автомобиле йөртүчесе юл хәрәкәте кагыйдәләрен боза. Икенчел дәрәҗәдәге юлдан килгәндә ул төп юлдан баручы транспорт чарасына юл бирми. Шуның аркасында ул идарә иткән машина Тойота Камри автомобиле белән бәрелешә. Нәтиҗәдә Тойота Королла каршы юнәлештәге юл читенә төшеп каплана. Авариядә ике кеше зыян күрә, аларга медицина ярдәме күрсәтелә.

Әлеге юл-транспорт вакыйгасының сәбәпләре ачыклана, дип хәбәр иттеләр безгә район ЮХИДИ бүлекчәсеннән.