Әлки районында йөк машинасының прицебына ут каба

 Автомобиль йөртүче утны үзе генә сүндерергә тырышып карый. Әмма моның нәтиҗәсез эш икәнен белгәч, янгын сүндерү хезмәтенә шылтырата. Янгын сүндерүчеләр килгәндә прицепны ут чолгап алган була инде. Янгын сүндерү расчеты утны тиз йөгәнли. Шулай да янгын нәтиҗәсендә прицеп һәм анда булган автозапчастьләр юк ителә. Әлки һәм Спас районнары буенча янгын күзәтчелеге баш дәүләт инспекторы Радис Инсапов әйтүенчә, янгынның сәбәбе – тәгәрмәч дискының бик нык кызуында. Дисктан ут арбага күчкән. Бәхеткә, шофер зыян күрмәгән.