Республика авыл хуҗалыгы уңганнарын хөрмәтли

Татарстанның авыл хуҗалыгы уңганнары бүген Казанның Корстон мәдәни үзәгендә һөнәри бәйрәмнәрен билгеләп үтәләр.

Безнең район вәкилләре дә бәйрәмгә китте. Делегацияне район башлыгы Александр Никошин җитәкли. Авыл хуҗалыг;ы хезмәткәрләре адресына республика җитәкчеләре авызыннан котлау һәм рәхмәт сүзләрен тагын район авыл хуҗалыгы һәм азык-төлек идарәсе начальнигы Роберт Гадиев, "Хузангай" җәмгыяте директоры Евгений Чугунов, "Салман" дуңгызчылык комплексы җитәкчесе Алла Петрова, "Хәмитов Ф.Г" крестьян-фермер хуҗалыгы җитәкчесе Фәнис Хәмитов та ишетәчәк. Делегация составында шулай ук савымчы Фәния Шәймарданова, "Восток Зернопродукт" җәмгыяте механизаторлары Евгений Арнаков һәм Илнар Насыйров та бар.