Ташбилгедә ифтар узды

Анда тирә-күрше авыллардан  муллалар, мәчет картлары да катнашты. Кунаклар арасында хатын-кызлар да бар иде.
Район башлыгы урынбасары Рәшит Билалов авыз ачу мәҗлесенә җыелган бар халыкны Рамазан ае белән котлады, тоткан уразаларның кабул булуын теләде.

Кунакларны Фоат Вәлиев исеменнән “Алексеевскдорстрой” җәмгыятенең Базарлы Матак  участогы җитәкчесе Рашат Гыйззәтуллин сәламләде. Ул ифтарга килгән халыкка бик мул итеп табыннар әзерләүче Ташбилге хатын-кызларына ихлас рәхмәтләрен җиткерде. 
Радик хәзрәт Абдуллин бик мәгънәле вәгазь сөйләде, Коръән сүрәләре укыды. 

Мөселманнар ахшам намазыннан соң бергәләп сый-нигъмәтләрдән авыз итеп аралашып утырдылар.