Түбән Әлкидәге «Ремтехсервис» җәмгыятендә комбайннарны яңа урак чорына ремонтлыйлар
Комбайннар уракка тулысынча әзер булачак
Түбән Әлкидәге «Ремтехсервис» җәмгыятендә комбайннарны яңа урак чорына ремонтлыйлар. Ремонт эшләре барышы белән җәмгыять инженеры Рәис Хәлиуллин таныштырды.
— Биредәге биш New Holland комбайны өчен 26 нчы урак сезоны булачак. Аларның барысына да диярлек тәҗрибәле механизаторлар беркетелгән. Запас частьләрне ташып торабыз, барысы да уракка әзер булачак, — ди Рәис Хәлиуллин.
«Ремтехсервис» җәмгыяте комбайннары алдагы елларда чит регионнарда урып-җыю эшләрендә катнаша иде. Соңгы берничә елда алар «Кызыл Шәрек» җәмгыяте белән килешүләр төзеп, Әлки районында һәм күршеләрдә икмәк язмышын хәл итүдә хезмәт куялар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев