Әлки районының туган якны өйрәнү музеенда Ачык ишекләр көне узды

12 апрель- Космонавтика көнендә С.Лисенков исемендәге туган якны өйрәнү музеенда ачык ишекләр көне үткәрелде.

Бу көнне йөздән артык кеше космонавтикага багышланган яңартылган экспозиция белән таныша алды. Музейда "Татарстан-Яңа гасыр" телекомпаниясе журналистлары да булып китте. Музей турындагы сюжет "Семь дней" тапшыруында 17 апрельдә 18.30 һәм 21.00 сәгатьләрдә һәм 18 апрельдә 13.00 сәгатьтә күрсәтеләчәк. Ә "Элита Татарстана" җурналының апрель санында районыбыз музее хакында якташыбыз Анатолий Самаркинның "Музей номер один" дигән мәкаләсе басылды.