Яшьләр турында сөйләшүгә чакырабыз

25 декабрьдә район газетасы журналистлары яшь буынга әхлак тәрбиясе бирү, аларның буш вакытларын файдалы һәм мәгънәле итеп оештыру мәсәьләләренә багышлап "түгәрәк өстәл" үткәрергә җыеналар.

Укучыларыбыздан әлеге темага кагылышлы сорау-тәкъдимнәр кабул итәбез. Ә яшьләр эшләре һәм спорт бүлеге, мәгариф идарәсе, мәдәният бүлеге белгечләрен, эчке эшләр бүлеге вәкилләрен, дин әһелләрен шушы әңгәмәдә катнашу өчен редакциягә чакырабыз. Сезне сәгать 10 да көтәбез. Сорау һәм тәкъдимнәр белән 2-00-54 телефоны аша мөрәҗәгать итәргә була.