Депутатыбыз котлавы

Якташыбыз, Татарстан Дәүләт Советы депутаты, "Алексеевскдорстрой" җәмгыяте генераль директоры Фоат Вәлиевтан әлкилеләр исеменә бәйрәм котлавы алынды.

"Хөрмәтле райондашлар! Менә тагын бер елны тәмамлап, аңа нәтиҗә ясыйбыз, бәя бирәбез. Әйтергә кирәк, ансат булмаса да, быел туган ягыбызны яшәү өчен уңайлы итү, халыкның тормыш дәрәҗәсен күтәрү юнәлешендә уңышларыбыз аз түгел. Киләчәккә яңа планнар төзеп, өметләр баглаган бу көннәрдә 2016 елның нәтиҗәле эшләргә, яңа җиңүләргә бай булуын телим. Һәркемнең тормышында сөенечләр, шәхси казанышлар җитәрлек булсын. Илебез тыныч, гаиләбез бәхетле, якыннарыбыз сау-сәламәт булсын иде",-дигән сүзләр бар әлеге котлауда.