Фәнис һәм Алия Кәлимуллиннарның көмеш туйлары

Фәнис Кәлимуллин туган районы белән тыгыз элемтәдә яши. Ул Сабантуйда, авыл көннәрендә кайтып үзенең моңлы да, дәртле дә җырлары белән якташларының күңелен күтәрә. Аның хатыны Алия дә театр артисты.

Әлки районы “Якташлык” җәмгыяте җитәкчесе Алсу Нәбиева да социаль челтәрләр аша Фәнис белән Алия Кәлимуллиннарга котлау юллаган. Анда мондый юллар бар: “Алдагы юлыгыз якты, бәрәкәтле булсын, иҗат белән үрелеп барсын. Бәхеткә, шатлыкка сөенеп яшәгез!”.

Бу теләкләргә Татарстаның атказанган артисты, Әлки егете Фәнис Кәлимуллинны белгән бик күпләр кушыла.