Әлки районы авылларында район газетасына актив язылалар

Беренчеләрдән булып район газетасына иң актив язылучы  буларак Ташбилге авыл җирлеге кушылды бу исемлеккә. Озак еллар хат ташучы булып Ташбилгедә Рузалия Игъламова эшли. Авыл җирлеге башлыгы Рәмзил Әхмәдиев кешеләрнең почта ташучы хезмәтеннән бик канәгать булуларын әйтә. Газета-журналлар килгән көнендә таратыла, төрле коммуналь түләүләр, абонентларның башка йомышлары да Рузалия тарафыннан һәрчак төгәл үтәлә.

Бу көннәрдә “Әлки хәбәрләре”нә язылу Иске Чаллы, Иске Камка, Карга, Иске Салман авылларында да 100 процентка җиткән.