Әлки районы Кошки авыл җирлегендә үзидарә бинасы ремонтлана

Авыл җирлеге советы һәм башкарма комитеты өчен элекке совхозның ике катлы бинасын ремонтлыйлар. Төзелеш эшләрен районыбызның "Строитель и К" җәмгыяте башкара. Алар иң элек бу шактый тузган бинаның түбәсен сүтеп яңабаштан җыйганнар. Аннан идәннәрен бетонлап чыкканнар, бина тирәли " отмостка" ясаганнар. Ишек-тәрәзәләр дә алыштырылачак. Төзүчеләр хәзер эчке бизәү эшләренә керешкәннәр. Кыскасы, ремонт эшләре тулы куәткә дәвам итә.