Әлки районы Татар Төгәлбәе авылында Бөек Ватан сугышы ветераны Нургазиз Хисмәтовны котладылар

9 Май иртәсендә ветеранны Җиңү көне белән котларга Кошки авыл җирлеге башлыгы Минзакир Гайфуллин, авыл клубы һәм китапханәсе җитәкчеләре килделәр.

Минзакир Гайфуллин ветеранны кайнар котлады, сәламәтлек теләде, кызыл лалә чәчәкләре, бүләк тапшырды. Аннан соң сугыш каһарманы хөрмәтенә шигырь, җырлар яңгырады. Нургазиз ага бу чыгышларны бик кызыксынып тыңлады, барысы өчен дә рәхмәтләрен әйтте. Ул бүген кызы һәм улы тәрбиясендә яши.

–Нургазиз абый, җәйгә гасырлык юбилеең белән котларга киләбез сине. Исән-сау бул. Безгә бүгенге матур тормышны яулаганыгыз өчен олы рәхмәт!–диделәр, изге теләкләрен җиткерделәр авылдашлары хөрмәтле ветеранга.