Әлки районында үткән атнада ике исерек йөртүче тоткарланган

Район ЮХИДИ хезмәткәрләре үткән атнада юл хәрәкәте кагыйдәләрен бозуның 43 очрагын ачыклаганнар.

Шул исәптән ике йөртүче транспорт белән исерек хәлдә идарә иткән өчен тоткарланган. Аларны ел ярымнан ике елга кадәр автотранспорт белән идарә итү хокукыннан мәхрүм итү һәм 30 мең сум штраф көтә. Район ЮХИДИ бүлекчәсе җитәкчесе Рәис Сафин әйтүенчә, юлларда тизлек режимын бозу, каршы як хәрәкәт полосасына чыгу, хәвефсезлек каешын каптырмау, балаларны машинада махсус креслосыз йөртү кебек кагыйдә бозулар бигрәк тә еш очрый.