Әлки районында китапханәләр һәм музейлар яңадан эшли башлады

Райондагы 36 китапханә һәм ике музей әлкилеләр өчен ишекләрен ачты. Дөрес, аларда күп кеше катнашындагы чаралар әлегә үткәрелми.

Район мәдәният бүлеге җитәкчесе Рәсимә Гайфуллина әйтүенчә, клубларда төрле  мәдәни чараларга әзерлек эшләре, репетицияләр үткәрә башлаганнар. Әмма концертлар, күп кеше катнашындагы башка чаралар әле рөхсәт ителми. Боларны мәдәният хезмәткәрләре онлайн формада гына үткәрә. Әйтик, соңгы вакытта Халыкара гаилә көне уңаеннан инстаграм челтәрендә рәсем, эссе бәйгеләре оештырдылар, туры эфирда бер сәгатьлек концерт күрсәттеләр.