Әлки районында мартта малайлар кызларга караганда өч тапкыр күбрәк туган

Ә елның беренче кварталында 31 нарасыйны исәпкә алганнар. ЗАГС бүлеге мөдире Энҗе Хәлиуллина сүзләренчә, малайлар күбрәк туа.  Мартта 9 малай, 3 кыз дөньяга килсә, елның беренче өч аенда теркәлгән нәни әлкилеләрнең 21 е ир җенесеннән. Ишле гаиләләр дә арта. Ел башыннан бирле 10 бәби гаиләдә өченче, ә 6 нарасый дүртенче бала булып туган.

Язның беренче аенда районда 5 пар никахлашкан. Ел башыннан бирле исә 16 гаилә төзелгән. Тик менә  узган айда 2 пар (супружеские пары) араларын өзгән, ә квартал дәвамында 7 никах таркалган. Мартта 26 райондашыбыз арабыздан киткән, ел башыннан бирле исә 79 кешенең гомере өзелгән.