Сихтермә авылында бал һәм алма Спасын билгеләп үттеләр

ФОТОРЕПОРТАЖ

Халык билгеләре буенча, Алма Спасы көзнең башлануын һәм табигатьнең үзгәрүен аңлата. Алма Спасыннан башлап кына алма һәм яңа уңыш җимешләреннән ризыклар ашарга киңәш ителгән. Ел саен 29 августта Чикләвек Спасы билгеләп үтелә. Бу вакытта урман чикләвеге өлгерә һәм аларны урманнарда җыярга рөхсәт ителә. Өченче Спасны шулай ук еш кына Икмәкле дип атыйлар: бу көнне яңа уңыштан икмәк пешерелгән. 

Сиктерме авылы мондый халык бәйрәмнәрен җәлеп итү үзәгенә әверелә. 19 августта анда алма-бал Спасына багышланган чаралар узды. Тәмле бәйрәм республиканың районнарыннан: Аксубай, Алексеевск, Лаеш һәм башкалардан умартачыларны берләштерде.
Бәйрәм кунакларын милли киемнәрдән киенгән кызлар каршы алды, бал һәм алма белән сыйлады. Бәйрәмдә район башлыгы Александр Никошин, Татарстанның Чуаш милли-мәдәни автономиясе каршындагы өлкәннәр советы рәисе Иван Казанков, Татарстан авыл хуҗалыгы һәм азык төлек министрлыгының терлекчелек тармакларын үстерү бүлегенең әйдәп баручы киңәшчесе Алмаз Гамиров, район авыл хуҗалыгы һәм азык-төлек идарәсе башлыгы Роберт Гадиев, “Хузангай” җаваплылыгы чикләнгән җәмгыятьнең генераль директоры Евгений Чугунов катнаштылар.  

Бәйрәмне ачып, Александр Федорович аның күпсанлы катнашучыларын сәламләде. Бал, Алма һәм Чикләвек Спаслары борынгы заманнардан бирле билгеләп үтелгәнен әйтеп үтте. Бу зур бәйрәмнәр. Сиктерме авылындагы туристлык комплексы территориясендә мондый чара икенче тапкыр үткәрелә. “Бу күңелле бәйрәм генә түгел, нәтиҗәләр ясау, яңа планнар кору өчен яхшы сәбәп тә. Көннән-көн безнең район үз йөзен үзгәртә бара, инфраструктура объектлары, торак йортлар, юллар төзелә. Бүген "Хузангай" җәмгыятен безнең районнан читтә дә яхшы беләләр. Биредә авыл хуҗалыгы гына түгел, туристлык комплексы да зур үсеш ала.

Алга таба чыгыш ясаган Алмаз Гамиров авыл хуҗалыгы министрлыгы ярдәме белән бу бәйрәмнең яхшы традициягә әверелүен, республика әһәмиятенә ия булуын ассызыклады. Алмаз Гаязович сүзләренчә, мондый бәйрәмнәрне даими үткәрергә, авыл хезмәтчәннәрен хөрмәтләргә кирәк, чөнки мондый көннәрдә авыл халкының ял итү, хезмәт нәтиҗәләреннән ләззәтләнү мөмкинлеге барлыкка килә”.
Аннан район башлыгы Александр Никошин бүләкләр тапшырды. Татар Борнае авылыннан Илдар һәм Рәмзия Мингалиевлар, Базарлы Матактан Иван Алексеевич һәм Надежда Антоновна Ферапонтовлар гаилә һәм рухи кыйммәтләренә тугрылыклары өчен район башлыгының Рәхмәт хаты белән бүләкләнделәр.

Балаларны лаеклы тәрбияләгән өчен район башлыгының Рәхмәт хаты белән махсус хәрби операциядә катнашучы Александр Андреевның әти - әнисе Николай Петрович һәм Валентина Геннадьевна, Павел Кузнецовның әнисе Любовь Валентиновна, Салават Хәйретдиновның әти-әнисе Илфат Фоат улы һәм Альбина Әнәс кызы бүләкләнде.
Республиканың агросәнәгать комплексы системасында күпьеллык намуслы хезмәте өчен «Хузангай» җәмгыятенең сыр һәм май җитештерү технологы Алексей Красноперовка Татарстан Республикасы Авыл хуҗалыгы һәм азык-төлек министрының Рәхмәт хаты тапшырылды.

Тантана ачылганчы ук бәйрәмнең үзәк мәйданы авыл җирлекләре, мәдәният оешмалары, район мәктәпләре вәкилләре тутырды. Алар халык кәсепләре эшләнмәләрен күрсәттеләр һәм шәхси хуҗалыкларның юмарт бүләкләре белән уртаклаштылар.
Мәйдан тирәсендә халык осталарының декоратив-кулланма иҗаты күргәзмәләре урнашкан. Композицияләр, ризыклар, киемнәр, алмадан ясалган күргәзмәләре, умартачылык продукциясе ярминкәсе һәм балдан ясалган ризыклар композицияләре киң тәкъдим ителде. Теләге булганнар өчен агачтан эшләнмәләр, милли баш киемнәре, уенчыклар, курчак-обереглар ясау буенча мастер-класслар үткәрелде.  

Балдан иң яхшы композициягә конкурста Әхмәт мәдәният йорты һәм китапханәсе иң яхшысы дип танылды. Чәчәкләрдән композицияне Борискино мәдәният йорты иң шәп тәкъдим итуче булды. 
Декоратив-кулланма сәнгать конкурсында район мәдәният йорты вәкиле Сөембикә Хәмитова иң яхшысы булды. 
Бәйрәмнең төп сәхнәсендә «Бал кортлары» өчен гадәти булмаган кием модельләре күрсәтелде. Һәрбер костюм уникаль һәм гаҗәеп. Ата-аналар, педагоглар, иҗат коллективлары җитәкчеләре тапкырлыклары һәм зирәклекләре өчен аерым рәхмәтләргә лаек.
«Бал корты» һәм «Алма» костюмнарын бәйрәмнең махсус кунагы –   бал корты Майя бәяләде. Ул барлык катнашучыларны дипломнар һәм бүләкләр белән бүләкләде. 

 «Супер Бал корты – 2023» костюмнар конкурсында җиңүче титулына Түбән Кәчи авылыннан Ульяна Баканова лаек булды. Балалар музыка мәктәбеннән Әмирә Хәмитова икенче булды, өченче призлы урынны Саида Сафиуллина (балалар иҗаты йорты) һәм Радмир Мавзютов (балалар музыка мәктәбе) бүлештеләр.

 «Супер Алма – 2023» конкурсында Нәби Дәүли исемендәге гимназия укучысы Тимур Баев җиңүче дип танылды, Түбән Салман авылыннан Әминә Гыйззәтуллина – икенче, Иске Тахталы авылыннан Мария Сардулова өченче призер дип танылды.  
Умартачылар арасында да ярышлар булды: умарта рамын иң өлгер ясаучы дип Апактан Илгизәр Гатауллин табылды һәм акчалата буләккә ия булды. 
Бәйрәмдә катнашучылар игелекле тантананы күңелле билгеләп үттеләр. Бәйрәмгә килгән һәркем уңай эмоцияләр һәм яхшы кәеф белән тулыланды.