Татарстанда коронавирус авыруыннан 13 нче пациент үлгән

Ул 1963 елгы Чистай кешесе. Авыру 2 нче номерлы Чистай район үзәк хастаханәсе базасындагы вакытлыча йогышлы чирләр госпиталенә салынган булган. 1 июньнән ул  COVID-19 инфекциясе китереп чыгарган авыр вируслы пневмониядән дәваланган. 4 июньдә пациентның хәле кискен катлауланган, һәм ул интенсив терапия палатасына күчерелгән.11 июньдә авыруның йөрәге туктаган.

Патолог-анатомия экспертизасы нәтиҗәсендә үлемнең төп  сәбәбе вирус булуы ачыкланган.