Түбән Әлки авылында борынгы мәчет нигезендә чишмә ачылды

Чишмә ачарга. Мәчет картлары шундый фикергә килә. Мәңге саекмас су – киләчәк буынга әманәт булыр, хәтер онытылмас, ди алар.

Ниятләр зурдан

Чишмә төзелешендә оеш­тыру эшләрен үз өстенә ал­ган түбән әлкиле Айрат Гобәйдуллин эш башланган вакытны болай искә алды:

–Бу урында ике тапкыр мәдәният йорты төзелгән. Әмма аларның икесенең дә го­мере озын булмады. Без монда 1854 елда мәчет сүтелеп, яңасы салынган дигән мәгълүмат таба алдык. Бәлки, бу хәл нәрсә турында булса да сөйлидер. Хәзер мөмкинлек чыккач, әлеге урынны изгеләштерергә кирәк дип таптык. Эшмәкәр авылдаш егетләребез мөрәҗәгатебезне хуплап алып, җиң сызганып эшкә кереште һәм ниятләгәнне тормышка да ашырды, – диде.

Айрат Әүхәт улы биредә алга таба эш дәвам итәчәген дә әйтте.

–.Чишмә бинасы әйләнә- тирәсендә зур мәйдан калды­рып тотып алынган. Киләсе елда биредә 100 кеше сыйды­рышлы корылма торгызырга ниятлибез. Монда ифтар ашла­ры узар, никахлар укытылыр, дип ниятлибез. Авылдашлар­ны бу изге эштә катнашырга чакырабыз, – диде.

Башланган эш – беткән эш

Нәтиҗәдә, элек-электән авыл үзәге дип саналган урын­да төзелеш эше башлана. Иң элек шул авыл ир-егете Фәрит Гобәйдуллин суны бораулап чыгара. Лаборатор тикшертү үткәртеп, аның тәнгә шифа бирерлек сыйфатка ия булу­ын раслата. Әхәт абый Вәлиев җитәкчелегендә мәчет карт­лары үзләре, кулларына көрәк тотып, нигез салу эшендә кат­наша. Сары кирпечтән бина торгызыла. Аның яшел калай түбәсе шул авыл ир-аты Рамил Камалетдинов тарафыннан үзенчлекле итеп җыела. Төсе шулай мөселманга хас дип саналган кысалар белән зур тәрәзәләр куела. Корылманың эчке бизәлеше уйланылып, таш плитәләр белән тышла­на. Саф суны исә савыт куяр­га да уңайлы ясап күтәртелгән баскыч өстендәге ике кран­нан агызып аласы. Тыштан караганда, менә шул кечкенә генә күренгән бинага 2 мил­лион сумнан артык акча то­тыла. Биредә күпләрнең өлеше керә. Шулай да төп чы­гымнарны, мәшәкатьләрен үз өсләренә алучылар – бу авыл ир-егетләре “Уют-окна” җәмгыяте җитәкчесе Ленар Хәмитов һәм “Автодорстрой” җәмгыяте генераль директо­ры Илнур Рәхимов.

–.А в ы л д а ш л а р ы б ы з тәкъдим иткәч, озак уйлап тормый эшкә алындык. Менә башкарып та чыктык, – ди алар тыйнак кына.

Игелек эшлә дә суга ташла…

С е н т я б р ь н е ң с о ң г ы шимбәсендә бар авыл хал­кы һәм килгән кунаклар кар­шында узган тантанада чишмә төзетүгә катнашы булганнар­га район башлыгы Александр Никошин үзе Рәхмәт хаты тапшырды. Котлау сүзләрен әйткәндә, җитәкче: “Бу чишмә суын авыл кешеләре генә түгел, узып баручылар да эчәр”, – диде. Димәк, бу из­гелекне кылучыларга түбән әлкилеләрдән тыш та әле бик күпләр рәхмәтле булачак.

Тантананы бак матур та­вышы белән “Коръән” сүрәсен укып башлаган районыбыз имам-хатыйбы Ирек хәзрәт Сәлахиев та: “Кеше вафатын­нан соң аның гамәл дәфтәре ябылыр. Әмма фани дөньяда кылган изге гамәлләреннән әҗер килеп торыр. Мондый са­вап алучыларның бер төркеме – чишмә ачучылар, кое казыту­чылар булыр”, – диде.

Чишмә ачылу тантана­сында Казан кунагы – ТРның җәмәгатьчелек палатасы әгъзасы Азат Гайнетдинов та районыбыз кешеләренең тырышлыгын, уңганлыгын билгеләде.

–.Чишмә ачылу буенча Лаеш, Яшел Үзәннән тыш, сез өченче урынны билисез, бу юнәлештә эшләү буенча башкаларга үрнәк була аласыз, – диде.

Т а н т а н а б а р ы ш ы н д а өстән коеп яңгыр яуды, әмма моңардан берәүнең дә кәефе кырылмады. Матур теләкләр, рәхмәт сүзләре җиткерелде. Аннары ал тасма киселде һәм бу матур чарага килгән теләге булган һәркем, эчкә узып, чишмә суыннан авыз итте.