Югары Әлморза элек тә зур авыллар рәтендә булмады. Бер уйласаң, мондый кечкенә авылларның язмышы билгеле кебек – яшьләр кайсы кая таралып бетә, өй саен карт-коры гына калгач, киләчәккә өмет тә сүнә. Әмма Югары Әлморза замана кырауларына бирешми: балалар бакчасына 8 сабый йөри, тагын бишесе әлегә өйдә, әби-бабай тәрбиясендә. Мәктәп тә районда беренче урыннар ала-ала эшләп тора. Гаилә фермалары да корыла...
