Әлки районы алдынгылар слетында басу һәм ферма уңганнарын хөрмәтләделәр
“Бездә Әлки районындагы кебек авыл хуҗалыгы уңышлы эшләсә, елга икешәр тапкыр алдынгылар слеты үткәрер идек”, дигән иде Спас районының элекке башлыгы Камил Нугаев. Күршебезнең әйткәне рас килде – соңгы елларда икешәр мәртәбә авылда хезмәт куючы уңганнарыбызны хөрмәтлибез. Беренчесе язгы кыр эшләре төгәлләнгәч – Сабан туенда, авыл көннәрендә булса, менә яңарак кына авыл хуҗалыгы алдынгыларының район слеты узды.
