Әлки районы медицина хезмәткәрләре узган елгы эшләренә йомгак ясадылар. ФОТО

Соңгы елларда районда демография күрсәткечләре сөендерми. Халык картая: районда яшәүчеләрнең 22 процентка якыны - 60 яшьлек һәм аннан өлкәннәр, 5 проценттан артыгы - 80 нән өлкәнрәк яшьтәгеләр. Хезмәткә сәләтле яшьтәгеләр кими. Ничә еллар рәттән инде үлүчеләр саны туучылардан артып китә.

Район үзәк хастаханәсе медицина советының узган ел нәтиҗәләренә багышланган йомгаклау утырышында баш табиб Светлана Одушкина әнә шундый мәгълүматларны бәян итте.

Уңайлыклар

арта

Дәүләтнең иң кадерле байлыгы - кеше. Һәм халык сәламәтлеген саклауга бездә бик зур игътибар бирелә. Соңгы елларда районыбыз медицина учреждениеләрендә булган уңай үзгәрешләр дә күз алдыбызда. Аларның матди-техник базасын ныгыту буенча биниһая эш башкарыла. Заманча уңайлыклар җәһәтеннән безнең хастаханә бүлекләре хәзер шәһәрнекеләр- дән калышмый. Авыл­ларда 12 модульле ФАП төзелде, күпме мед­пунктлар капиталь ре­монтланды. Болар ха­кында без даими язып торабыз.

Хастаханәләргә за­манча технологияләр торган саен киңрәк үтеп керә. Әйтик, та­бибка хәзер дәүләт хезмәтләре порталы һәм инфомат аша язы­лырга була. Узган ел район халкы медиклар­га кабул итүгә 35573 тапкыр электрон төстә язылган, шулай ук 6680 электрон амбулато­рия картасы эшләнгән. Быел электрон төстә язылуны тагын да күбрәк гамәлгә кертү күздә тотыла. Бу, билге­ле, кешеләр уңайлыгы өчен, кабул итүне көтү вакытын киметү, чи­ратларны бетерү мак­сатында эшләнә.

Баш табиб әйтү- енчә, соңгы вакытта телемедицина кон- сультацияләре дә ак­тив гамәлгә керә. 2017 елда безнең та­библар республика клиник хастаханәсе белгечләрен җәлеп итеп 53 шундый кон­сультация үткәргәннәр. Бу - авыруларга үз- вакытында квалифи­кацияле медицина ярдәме күрсәтүнең нәтиҗәле юлы.

Барысын да

кадрлар хәл итә

Район сәламәтлек саклау системасын­да бүген 298 кеше, шул исәптән 37 та­биб һәм 151 урта ме­дицина хезмәткәре эшли. Табибларның 22 процентка якыны - хезмәт стажлары 5 елдан кимрәк булган яшь белгечләр. "Авыл докторы" программа­сы нигезендә соңгы елларда районга 16 яшь табиб (2017 елда - 2 белгеч) кайткан, алар барысы да компенса­ция түләүләре алган.

Шул ук вакыт­та район медицина учреждениеләре та­библарга да, шәфкать туташларына да кыт­лык кичерә. Үзәк хастаханәгә бүген те­рапевтлар, нарколог, лор-табиб кирәк. Яшь кадрларны җәлеп итү эше дәвам итә, ди баш табиб. Хәзер Казан дәүләт медицина уни­верситетында бездән 15 студент, Ульяновск вузында 2 студент бе­лем ала икән. Аларның 5 есе максатчан юллама буенча укыйлар. Казан медицина көллиятендә һәм Чистай медицина училищесында 21 егет һәм кыз укый, 3 есе - максатчан район юлла­масы буенча.

Табибларның про­фессиональ осталыгын арттыру - бүген бе­ренче чираттагы мәсьәләләрнең берсе, дип билгеләп үтте үз чыгышында Светлана Одушкина.

Үлемгә китерүче сәбәпләр

нинди?

Узган ел районда 300 кеше вафат бул­ган. Аларның 62 се - хезмәт яшендәгеләр. Аларны үлемгә китергән сәбәпләр медицина советы уты­рышында җентекләп анализланды.

Үлемгә китергән чирләр арасында бе­ренче урынны нерв системасы авырула­ры алып тора (47 про­цент). Икенче урында - кан әйләнеше сис­темасы чирләре (15,3 процент), өченче - ашкайнату әгъзалары чирләре (4,6 процент).

Ә хезмәт яшендәге әлкилеләрнең гоме­ре өзелүгә күбесенчә кан әйләнеше сис­темасы авырулары сәбәп булган (25,5 процент). Тышкы сәбәпләр (аварияләр, бәхетсезлек очракла­ры) - икенче урында (17,7 процент). Ан­нан соң - ашкайнату әгъзалары чирләре (6 процент).

Шул рәвешле, үлемгә китергән сә- бәпләр арасында нерв һәм йөрәк-кан та­мырлары системасы чирләре өстенлек итә. Әйтергә кирәк, по­ликлиникада һәм ка­бул итү-диагностика бүлегендә "Бердәм кардиолог" проектын гамәлгә кертү йөрәк- кан тамырлары авыру­ларын диагностикалау сыйфатын күтәрергә мөмкинлек биргән. Былтыр 30 пациент планлы рәвештә МКДЦ га юлланган. 5 пациент федераль үзәкләргә җибәрелгән. Барысы 200 кеше югары тех­нологияле медицина ярдәме алган.

Баш мие кан әйләнеше кискен бо­зылган авырулар­га медицина ярдәме район хастаханәсенең неврология бүлегендә һәм Чистайдагы рай­онара кан тамырлары үзәгендә күрсәтелә. 2017 елда 39 пациент хастаханәгә салынган, аларның 35 е Чистай­дагы кан тамырлары үзәгенә җибәрелгән.

Гомумән алганда, медицина хезмәткәр- ләре коллективының максатчан эшләве нәтиҗәсендә йөрәк- кан тамырлары һәм онкология чирләре нәтиҗәсендә үлем оч­ракларын күпмедер дәрәҗәдә киметә ал- ганнар.

Һәр айда үлем, авыруларның азу оч­раклары җентекләп тикшерелә, уча­сток табиблары һәм ФАП фельдшерла­ры тыңлана. Үлем- җитемне киметү бу­енча күрелә торган чараларның үтәлеше район башлыгы кат­нашында ведомст­воара комиссиядә, муниципаль район со­веты утырышында да тикшерелгән.

Профилактика - иң мөһиме

Профилактика эше һәм авыруларны иртә срокларда ачыклау аеруча мөһим, ди ме­диклар. Яман шеш авырулары турында сүз алып барганда бу бигрәк тә актуаль.

Бүген районда 397 кеше яман шеш ди­агнозы белән дис- пансерлык исәбендә тора. Узган ел 78 па­циент диспансери­зация вакытында онкологиягә шик белән тикшеренүгә юллан­ган. Шуларның 27 сендә диагноз раслан­ган. Былтыр диспансе­ризация нәтиҗәсендә яман шеш очракларын ачыклау аннан алда­гы ел белән чагыш­тырганда ике мәртәбә арткан. Һәм барлык пациентларда ул иртә срокларда беленгән.

О н к о л о г и я чирләрен ачыклау һәм дәвалау буенча нәтиҗәле эш алып бар­ган өчен узган ел рай­он үзәк хастаханәсе Сәламәтлек саклау министрлыгының бе­ренче дәрәҗә Мак­тау грамотасы белән бүләкләнгән.

А в ы р у л а р н ы ачыклау һәм үлем- җитемне киметүдә диспансеризация бик зур роль уйный. Уз­ган ел олылардан 3415 кеше диспансериза­ция узган, аларның 23 процентка якынында төрле чирләр ачыклан­ган. Балаларны, сугыш һәм хезмәт ветеранна­рын диспансерлашты­ру буенча да нәтиҗәле эш алып барыла.

К е ш е л ә р хәзер үзләренең сәламәтлекләре ту­рында ныграк кайгыр­та башладылар, меди­цина персоналының эш сыйфатына да игъ­тибар артты, ди баш табиб Светлана Одуш­кина. Медикларның үзләрен дә халык фике­ре кызыксындыра. Бу мәсьәлә буенча "туры­дан-туры элемтә"ләр, түгәрәк өстәл артын­да сөйләшүләр, ха­лык арасында ан­кеталау үткәрелә. Авыл җыеннарында күтәрелгән мәсьәләләр дә игътибарсыз кал­мый. Халыктан язма мөрәҗәгатьләр дә арткан, аларның һ ә р к а й с ы н а үзвакытында җавап бирелә.

Алга бурычлар билгеләгәндә баш та­биб коллективның бердәм команда булып эшләвенә, медицина хезмәте күрсәтүнең сыйфатын күтәрүгә басым ясады. "Паци­ент мәнфәгатьләре безнең өчен барыннан да өстен",-диде ул.

Медицина советы утырышында район башкарма комите­ты җитәкчесе Илнур Юсупов катнашты. Ул халык сәламәтлеген саклау юнәлешендәге нәтиҗәле хезмәтләре өчен медицина кол­лективына рәхмәт белдерде, алда торган бурычларны хәл итүдә уңышлы эшләүләрен теләде.

Аннан соң иң яхшы хезмәткәрләргә Мактау грамоталары, бүләкләр тапшырылды.