Укытучылар грант ота

Базарлы Матак урта мәктәбе директоры Луиза Абдрахманова һәм Иске Матак урта мәктәбе директоры Мария Чванова "Безнең иң яхшы директор" грантын оттылар.

Әлеге Татарстан гранты мәктәп җитәкчеләренең соңгы өч елдагы хезмәт нәтиҗәләренә карап бирелә. Мәктәп укучыларының өлгереше, олимпиадалар, дәүләт имтиханнары күрсәткечләре дә исәпкә алына.

Чуаш Кичүе урта мәктәбенең математика һәм информатика укытучысы Илнур Хафизов, Базарлы Матак урта мәктәбенең физкультура укытучысы Максим Муштаков исә "Безнең яңа укытучы" грантына ия булдылар. Районның 12 педагогы "Безнең иң яхшы укытучы" грантына лаек дип табылды.