Хәрби патриотик клублар көч сынашты

Чистай шәһәрендә Юрий Гагаринның тууына 80 ел, Валерий Чкаловның тууына 110 ел уңаеннан хәрби-патриотик клубларның республика ДОСААФ оешмасы тарафыннан оештырылган зональ ярышларында "Йолдыз" клубы уңышлы чыгыш ясады.

Әлеге бәйгедә Кама аръягының 7 районы командалары пневматик мылтыктан ату, автоматны сүтеп җыю, сафта йөрү һәм башка ярышларда осталыкларын сынадылар. Нәтиҗәдә безнең команда әдәби-музыкаль һәм спорт төрләре буенча ярышларда беренче урынны яулады. Айнур Рәхмәтуллин исә турникта тартылу буенча шәхси беренчелектә җиңеп чыкты.