Бу көннәрдә районның 13 авылында үләт базлары ремонтлана

Бу көннәрдә районның 13 авылында биотермик базлар (үләт базлары) ремонтлана.

Авыллардагы үләт базларының тирә-юнен барлык таләпләргә туры килерлек итеп тотып алу өчен республика казнасыннан 660 мең сум субвенция бирелгән иде. Бүген әлеге базларны киртәләп алу эшләре бара. Иске Салман, Карга, Түбән Әлки, Юхмачы, Алпар авыл җирлекләре территориясендәге баз тирәләрен тотып алу төгәлләнеп килә. Иске Чаллы, Иске Кората авыл җирлекләрендә дә бу эш башланган.

Район ветеринария берләшмәсе белгечләре райондагы барлык биотермик базларга ике тапкыр дезинфекция үткәрәчәк.