Муниципаль район башлыгы Фердинат Дәүләтшиннан бәйрәм котлавы

Муниципаль район башлыгы, район советы рәисе Фердинат Дәүләтшин әлкилеләрне 23 февраль - Ватанны саклаучылар көне белән тәбрик итте.

"Россия Кораллы Көчләре тарихында данлы җиңүләр дә, авыр югалтулар да аз түгел. Аның битләрендә - халкыбызның тиңдәшсез батырлыгы, туган илен, азатлыгын яклап сугышкан дәһшәтле еллар чагылышы. Бу тарихта безнең район вәкилләре дә югалмаслык эз калдырган. Бүген, бәйрәм алдыннан, без хөрмәтле сугыш ветераннарына ихтирамыбызны белдереп, һәлак булган якташларыбызны искә алабыз, яшь егетләребезне алар үрнәгендә тәрбиялибез.

Хөрмәтле райондашлар! Ватанны саклаучылар көне белән чын күңелдән котлыйм. Сезгә нык исәнлек, иминлек, уңышлар телим",- диелгән әлеге котлауда.