Әлки егетләре көмеш һәм бронза медальләргә ия булдылар

Узган атнада Лаеш районы Усад бистәсендә билбау көрәше буенча Татарстан Республикасы беренчелегенә ярышлар узды. Бәйгедә 2002-2004 елларда туган егетләр катнашты.

Әлки командасыннан Кирилл Лобанов (Иске Тахтала), Айнур Фәттахов (Карга) икенче урыннарны, Илназ Хәмидуллин (Базарлы Матак), Никита Хәйруллин (Иске Тахтала) өченче урыннарны алдылар.

Җиңүче егетләр район спорт мәктәбе тренеры Илдар Әхмәровтан күнекмәләр алалар.