Әлки муниципаль район советының узган ел нәтиҗәләренә багышланган утырышы булды

Отчет доклады белән  утырышта муниципаль район башлыгы, район советы рәисе Александр Никошин чыгыш ясады.

Сессиядә күп кунаклар да катнашты. Татарстан Дәүләт Советы рәисе урынбасары Марат Әхмәтов районның узган елгы эшчәнлеген уңай бәяләде һәм социаль-икътисадый вәзгыятьне яхшырту буенча тәкъдимнәрен әйтте.

Утырыш азагында әлкилеләргә дәүләт бүләкләре тапшырылды.

Район советы сессиясенә кадәр Марат Әхмәтов Александр Никошин озатуында Салман мәктәбендә булып укучыларның ничек туклануын карады. Аннан соң ул балалар иҗат йортында түгәрәкләр эше, шулай ук район мәдәният йорты каршында һәм фоейсында оештырылган күргәзмәләр белән танышты.