Әлки районы: Иске Камка авыл җирлеге җитәкчесен район башлыгы котлады

Фәргать Әкбәров – җирлек башлыгы булып нәтиҗәле эшләүче, халык ышанычын казанган җитәкчеләрнең берсе. Ул 18 ел Иске Камка җирлеге белән җитәкчелек итә. Бу дәвердә Иске Камка, Яңа Камка, Карамалы авыллары урамнарында  юллар салынды, халыкны су белән тоткарлыксыз тәэмин итү буенча күп эшләр башкарылды, урамнар яктыртылды, чишмәләр төзекләндерелде, бик күп социаль объектлар төзелде.

Район башлыгы Фәргать Әкбәровнең халык белән уртак тел табып эшләвен, оештыру сәләтен, җаваплылык, эшкә бирелгәнлек кебек сыйфатларга ия булуын билгеләп үтте, аңа сәламәтлек, катлаулы хезмәтендә уңышлар теләде.