Әлки районы юл төзүчеләре туп типте

Базарлы Матактагы "Алинә" универсаль спорт залында "Алексеевскдорстрой" җәмгыяте командалары арасында мини-футбол ярышлары узды.

Юллар төзү һәм ремонтлау хезмәтен башкаручылар спорт белән дә дус яшиләр. Алар районда уза торган ярышларда һәрчак актив катнашалар. Һәр елны "Алексеевскдорстрой" җәмгыяте үзенең филиаллары белән берлектә мини-футбол ярышлары үткәрә. Яңарак кына узган бәйгедә әлеге предприятиенең биш командасы, шул исәптән безнең район егетләре дә көч сынашты. Көне буе дәвам иткән, спорт бәйрәме төсен алган ярышта "Алексеевскдорстрой"ның үзәк базасы командасы беренчелекне яулады.