Әлки районының Базарлы Матак урта мәктәбе укучылары арасында туган илебез тарихын белүгә тест үткәрелде

Әлеге чара "Бердәм Россия" партиясенең "Җиңү парады" патриотик проекты кысаларында оештырылды. Укучыларга илебез тарихыннан 25 сорауга җавап бирергә кирәк иде. Һәр җавап 1 балл белән бәяләнде. Иң күп һәм дөрес җавапларны 10 сыйныф укучысы Булат Гыйниятуллин бирде. Ул 24 балл җыйды. Икенче - 11 сыйныф укучысы Светлана Байкова (23 балл). Өченче - 11 сыйныфтан Алмаз Вәлиев. Җиңүчеләргә грамоталар һәм бүләкләр тапшырылды.

Оештыручылар балаларга "Яшь гвардия" хәрәкәте,"Җиңү парады" проекты хакында сөйләделәр. Шулай ук проектның беренче этабында катнашып әйбәт нәтиҗәләргә ирешкән укучылар аталды. Болар Динә Габдуллина, Рәсим Гатауллин, Дмитрий Смородинов. Алар Казанда "Олимпиец" спорт комплексында ГТО нормалары тапшырганнар иде.