Әлки хәбәрләре
  • Рус Тат
  • Түбән Әлки авылының Тынычлык урамында яшәүчеләрнең краннарына су кайчан килер?

    "Без, Түбән Әлки авылының Тынычлык урамында яшәүчеләр, кабат сезгә мөрәҗәгать итәргә булдык. Җәй аенда су юклыктан җәфа чиккәч, зарланып сезгә хат язган идек. Әмма бернинди үзгәреш юк, һаман күршеләребездән су ташып көн күрәбез. Безнең краннарыбыздан кайчан да булса су агар микән? Кемнәрдән ярдәм сорыйк икән? Мөхәммәтшиннар, Хәкимовлар, Мәрдиевлар гаиләләре." Әлеге...

    "Без, Түбән Әлки авылының Тынычлык урамында яшәүчеләр, кабат сезгә мөрәҗәгать итәргә булдык. Җәй аенда су юклыктан җәфа чиккәч, зарланып сезгә хат язган идек. Әмма бернинди үзгәреш юк, һаман күршеләребездән су ташып көн күрәбез. Безнең краннарыбыздан кайчан да булса су агар микән? Кемнәрдән ярдәм сорыйк икән?
    Мөхәммәтшиннар, Хәкимовлар, Мәрдиевлар гаиләләре."
    Әлеге авторларның зарын без узган җәйдә Түбән Әлки авыл җирлеге башлыгы Мансур Галиуллинга җиткергән һәм аның чаралар күрүен сораган идек. Бу хатның эчтәлеге белән дә җирлек башлыгын таныштырдык.
    -Алдагы елларда авылны су белән тәэмин итү, суүткәргечләрдәге төзексезлекләрне җайлау безнең җаваплылыкта иде. Авылларны су белән тәэмин итү хәзер Әлки коммуналь челтәрләре карамагына күчте. Халыктан су өчен җыелган акча да шул предприятиегә юллана. Шулай булгач, Түбән Әлкинең Тынычлык урамындагы суүткәргечтәге җитешсезлекне дә коммуналь челтәрләр төзәтергә һәм халыкны тормыш өчен иң кирәкле әйбер - су белән тәэмин итәргә тиеш,-дип җавап бирде Мансур Галиуллин.
    Түбән Әлки халкының үзәгенә үткән проблеманы һәм авыл җирлеге башлыгының моңа биргән аңлатмасын Әлки коммуналь челтәрләре җитәкчесе Искәндәр Сафинга да җиткердек.
    -Халык файдаланган су өчен акчаны районның бердәм исәп-хисап үзәгенә (ЕРЦ) түли. Безнең коллектив эшчеләре исә су белән тәэмин итүдәге өзеклекләрне, ватылуларны төзәтү белән шөгыльләнә,-ди Искәндәр Сафин. -Аварияләргә, ватылу урыннарына без авыл җирлекләре җитәкчелегеннән килгән заявкалар нигезендә чыгабыз. Шул башкарылган эшкә карап ЕРЦ дан безгә акча күчерелә. Ә Түбән Әлкинең Тынычлык урамында халыкның сусыз утыруы хакында әлеге җирлек җитәкчеләреннән безгә заявка кергәне юк. Бу җирлек башлыгы безнең белән эшләүдән элек тә баш тартты. Дөрес, авыл җирлеге башкарма комитеты үз территориясендәге әлеге эшләрне башка оешмалар ярдәме белән башкарып, ягъни төзексезлекләрне ремонтлатып, ЕРЦ аша аларга акча түләтә ала. Тик урындагы җитәкчеләр нигә шул вакыттан бирле халыкны сусыз тилмертә-аңлашылмый.
    РЕДАКЦИЯДӘН. Әлеге җаваплардан аңлашылганча, су белән тәэмин итүдә өзеклек килеп чыккан очракта аны төзәттерү хәстәрен иң элек авыл җирлеге җитәкчелеге күрә. Түбән Әлки авыл җирлеге җитәкчесенә дә хатта тасвирланган төзексезлекне бетерү буенча берәр оешмага заявка юллау зарур.
    Районда халыкны су белән тәэмин итүне җайга салу нигездә "Әлки коммуналь челтәрләре" җаваплылыгы чикләнгән җәмгыятенә йөкләнә. Әлеге предприятиенең төрле ватылуларны кыска арада төзекләндерү өчен махсус техникасы, запас материаллары бар.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: